Te Whare Tamariki o Montessori ki Wānaka

Ko Takiana te maunga
Ko Mata-au te awa
Ko Wānaka te roto
Ko Montessori te whare
Tēnā koutou
Tēnā koutou
Tēnā koutou katoa

He tarahiti ohaoha a Montessori Children’s House Wānaka, nā reira he whakahaere monihua-kore. Ko te hapori te pūtake e tū nei te whare nei. I whakatūhia tō mātou whare tuatahi i Āperira 1998, ā, i raihanahia ki te manaaki i te 23 tamariki i Warren Street i tētahi wharau i whakahoua. Ka hipa te rima tau, ā, i ruka i te tonoa nuitia o kā tūraka, mā roto mai i kā takuhe a Central Lakes Trust, Otākou me QLDC, i te taha o kā hāora paukore o te kohi pūtea, i whakatuwhera mātou i tō mātou whare whai-pūtake i Kinds Drive i Hune 2003. E ai ki te raihana o nāianei, e whakaaetia ana te 56 tamariki kei kā akomanga e 2, i te wā kotahi. E hākai ana, e pai ake ana rānei, ō mātou ōweheka kaiako, ki kā waeture a Te Tāhuhu o te Mātauraka.

Marautaka

He tūāpapa pakari tō mātou i te tautake a Dr Maria Montessori, mā roto hoki i tō mātou ‘taiao kua whakaritea’. Ka tuku mātou i kā hōtaka ako motuhake e whakauru ana i kā āhuataka katoa o kā rautaki taketake a Montessori i te wā o te whakatutuki i kā aho me kā hua ako o Te Whāriki. He mema tēnei whare o MANZ (Montessori Aotearoa of New Zealand).

Kā hāora tuwhera

E tuwhera ana i te Mane ki te Paraire, i te 8.30 i te ata, ki te 3 i te ahiahi

Kā wā e kati ai te whare:

• Ka KATI a Montessori i kā Hararei Tūmatanui
• Ka kati a Montessori i Hūrae: 8 ki te 12 o Hūrae 2024
• Te rā mutuka o Montessori 2024: Paraire 20 o Tīhema
• Te rā tuatahi o Montessori 2025: Tūrei 21 o Hānuere

Whakapā mai

Tēnā, whakapā mai me he pātai āu, ki te whakarite pekaka mai rānei. Ka tino rawe ki a mātou te manaaki i a koe:

P: (03) 443 8389
E: info@mchw.co.nz

Kā Taipitopito Whakapā

P: (03) 443 8389
E: info@mchw.co.nz

Montessori Children’s House Wānaka
122 Kings Drive
Wānaka 9305

Kā hāora tuwhera

Mane – Paraire: 8.30 i te ata – 3 i te ahiahi