Te Moemoeā, kā Uaratanga me te Whāinga
Te Moemoeā
Ko te moemoeā kia noho a Te Whare Tamariki o Montessori ki Wānaka hei whare mātauranga kounga e maoa mārika ai te pitomata o kā tamariki.
Kā Uaratanga
Whakaute – tāngata, taiao, ahau
Te Tautake Montessori
Whanake Tonutanga – auaha, whakaaro whakamua, aronga hou
Poipoi – āhurutanga, manaakitanga, whakapono
Kounga – kaimahi, whare, rawa
Whakawhiti kōrero – mārama, tuwhera, pono
Hapori – tūhono, kauawhi, tautoko
Ako – he ara tūhura whakamīharo
Kia kākano rua i te porihanga kākano maha
Toitū – mahi, mātauranga
Whāinga
Ko te whāinga kia hua ake i ā tātou tamariki te motuhaketanga me te kaingākau mauroa ki te ako mā te tuku i kā hōtaka Montessori tiketike i tētahi taiao kounga.
Kā kura taiao
He Kura Taiao a Te Whare Tamariki o Montessori ki Wānaka, kei te ara ki te tūnga Kākāriki/Kōura nā te mea kua tutuki kē te Rauwhero me te Hiriwa.
He hōtaka ā-motu tēnei e hāngai ana ki te oranga o te whare whānui, o te hapori me te pūnaha hauropi. E ako ana ā tātou tamariki kia whakaute, kia whakamānawa hoki i te taiao māori, te penapena pūngao me te wai, te hangarua me te wairākau, te whakatipu i ā rātou anō kai, ā, kia mārama hoki ki kā hononga i waenga i ā rātou mahi me te anamata o te ao. Ko te tūāpapa o kā kura taiao ko te mahi tahi i runga i te whakaute ki te kanorautanga, e noho waiwai ana ki te hapori hauora, toitū anō hoki.
Kā Taipitopito Whakapā
P: (03) 443 8389
E: info@mchw.co.nz
Montessori Children’s House Wānaka
122 Kings Drive
Wānaka 9305
Kā hāora tuwhera
Mane – Paraire: 8.30 i te ata – 3 i te ahiahi