Te hinekaro miti

I whakapono a Maria Montessori ka tīmata te mātauraka i te whānautaka mai, ā, ko kā tau tīmataka kā tau hirahira katoa i te wāhi ki te tinana me te hinekaro. Mā te rautaki ako o te tamaiti i kā tau tōmua e whakatau te āhua o te pakeketaka. I whakataurite ia i kā hinekaro o kā tamariki nohinohi ki kā hautai, e miti ana i kā pāroko nō te taiao, arā ka kīia tēnei ko te “hinekaro miti”. Kitea nuitia ai tēnei i te āhua o tā te tamaiti ako ki te kōrero, ahakoa te kore e whai tohutohu, te āta ngana rānei.
He rawe ki kā tamariki tēnei ara ako, ā, ka puritia tae noa ki te takiwā o te whitu tau; waihoki, e 80% o te whakawhanaketaka ā-hinekaro o te tamaiti, ka hua ake i kā tau tīmataka e whitu. I mahi a Maria Montessori ki kā tamariki mō te ono tekau tau neke atu, ā, ka taunakihia tāna i whakaaro ai, ka ako kā tamariki ki te pānui, ki te kōrero me te tatau pērā i tā rātou ako ki te kōrero, mehemea e tika ana tō rātou taiao.

Ko te tūāpapa o kā uarataka matua o te tautake Montessori ko ēnei mātāpono nei:

• Rongo ai te tamaiti i te hihikotaka mai i roto, ā, ka angitu rātou mehemea ka whai wāhi te neke me kā arawātea tūtahi ki ō rātou akoraka.
• Mā kā tamariki anō rātou e whakamatua mehemea ka whakamanahia ki te kōwhiri i kā mahi kua hoahoatia mō kā matea whakawhanake, matea ako motuhake.
• He whenumitaka pakeketaka kei ia hapori.
• He wāhi ako anō kā hapori me ētahi atu whare ako kua whakaritea e ai ki te marautaka.
• Kua whakangungua kā kaiako ki te Montessori Method.
• Ka mahi tahi mātou ki kā whānau o Montessori

Te whakawhanaketaka o te pitomata tangata

Ka aro nui atu te rautaki Montessori ki te whakawhanaketaka o te pitomata takata. Ka whirinaki tēnei rautaki ki te ‘whai i te tamaiti’, arā, te kite i kā matea whanaketaka me kā āhuataka o kā tamariki kei ia rōpū pakeketaka me te whakarite i te taiao e hākai ana hei whakatutuki i aua matea. Ko tā Maria Montessori i kite ai, ka koke te tamaiti ki te pakeketaka mā roto mai i kā takiwā whanaketaka, i kīia rā e ia ko kā Pae Whakawhanake. E whā kā pae whakawhanake, ā, he rerekē tētahi i tētahi ekari kua whakatūria i ruka i te tūāpapa o te mea o mua mai. Ka motuhake te whakahākai i te taiao Montessori ki te rautaki whakatutuki i kā matea o te tamaiti i ia tūāoma.

Kā pae whanaketaka

Pae Tuatahi

I te whānautaka ki te ono tau te pakeke, ka whakaahuahia te tamaiti e ai ki tōna ‘hinengaro miti’, e miti ana i kā āhuataka katoa o tōna taiao, tōna reo me tōna ahurea.

Pae Tuarua

I te ono tau ki te tekau mā rua tau, ka whakamahi te tamaiti i te ‘hinekaro whai take’ ki te toro i te ao mā te whakaaro tūrehurehu me te pohewataka.

Pae Tuatoru

I te tekau mā rua ki te tekau mā waru, he ‘hinekaro mātātakata’ tō te taiohi e pīraki ana kia mārama ki kā tākata me te wāhi ki a ia i te hapori.

Pae Tuawhā

I te pae mutuka o te whanaketaka, i te tekau mā waru tau ki te rua tekau mā whā tau, ka toro te pakeke i te ao mā te ‘hinekaro motuhake’ e tū ai ia i te ao. I whakapono a Maria Montessori mehemea i whai te mātauraka i te whanaketaka māori o te tamaiti, ka āta neke te pāpori ki tētahi taumata mahi tahi pai ake, e āio ana.