Taiao

Kei te taiao Bambini kā rawa kua āta hoahoatia hei rāwekeweketaka mō te whakawhanake, e tautoko ana, e tō ana hoki i kā tamariki kia whai wāhi ki kā mahi ako e kōwhiri ana rātou. Kei kā tamariki te manawhiri i te wāhi ki ō rātou akoraka. Nā tō mātou taiao kua āta whakaritea i wātea ai kā tamariki ki te whakamātau me te whakakuku i ō rātou pūkeka. Ko te aroka o kā rawa Montessori ko te tautoko me te poipoi i te tūtahitaka, te māia, me te aroha ki te ako. Katoa kā mea i te taiao e hākai ana ki tō rātou rahika, waihoki kua hoahoatia kia haumaru ai, kia rerehua mō kā tamariki.

Kgā ara wāte

Ko te marautaka o tēnei hapori ko kā ara wātea e neke ai, e tūtahi ai anō hoki. Waihoki, ko te whakawhanaketaka o te reo kōrero. Mā kā mahi ā-rōpū pēnei i te waiata me te pūrākau e whai wheako ai kā tamariki o te whai wāhi ki tētahi hapori. Ko te taka kai me te tākaro i waho hei akamahi e akiaki ana i te whanaketaka pāpori. Mā te waiata, te kanikani, me te manawhiri, e whai toroka ai kā tamariki ki kā uaua nui e taea ai e rātou te peke, te piki, te taurite, te ngaoki, te mawhiti rānei.

Te whakawhanaketaka

Ka tukuna ki kā tamariki kā ara wātea ki te whakawhanake i kā pūkenga reo, toi, puoro, tairoko me kā mahi oranga. Ka āta whakanuia te taha mahi oraka nā te mea ko kā mahi i konei he tuku i kā tamariki ki te whakawhanake i ō rātou pūkeka tiaki i a rātou anō me tō rātou taiao i ēnei wāhi nei: te whakahaere i te nekehaka, te huatau me te atawhaitaka. Mā ēnei mahi e tipu ai te aro me te māia whaiaro. Ko te whakapiki i te kiritau o te tamaiti te whāika nui, ā, ka tutuki tēnei mā nk angitutaka rite tonu.

Te taiao

Ka aro te taiao Casa ki kā akoraka pāhekoheko, e ako ai kā tamariki mā te tūhura i kā rawa, e hua ake ai ko te arotahi, te whakahihiko, te whakamatua me te ngākaunui ki te ako. Whai raupapa ana te taiao Montessori hei whakahaere i kā kōwhirika tūtahi mō te ako. Mā tēnei raupapa e taea ai e kā tamariki ō rātou rataka te kimi me te ako wawe kei hea kā rawa.

Kā mahi

Ko kā mahi Montessori he whai take, he tūturu, he tūhura, waihoki he ara mahi hei whai mā te tamaiti. Kua whakaurua hoki te ‘whakahaere hapa’ e kite ai te tamaiti i kā wā me whakaoti rapaka tonu. Ka hāneanea ake kā tamariki ki te hapa, me te kana anō, ka whakawhanake i kā pūkeka whakaoti rapaka me te āheika ki te whakaoti i tētahi mahi uaua me te kore e whai tohutohu i te pakeke. He rerehua kā rawa e tō ai i te tamaiti ki te whakamahi, he mā, he whānui, ā, kua āta tiakina.

Te ako

Ka aro a Montessori ki kā akoraka o kā tamariki me te tūhurataka whaiaro, tae ana ki te poipoi i te tūtahitaka hei wāhaka matua o te tautake o Montessori.

Kitea ai i roto i kā mahi o ia rā ko kā wheako ā-ahurea hōhonu tae ana ki te puoro, te toi, te waiata, te whakanui ahurea me te ako e pā ana ki kā tipu me kā kararehe. Ka whai wāhi kā tamariki ki te māra, ki te tiaki kararehe me te mātai i te taiao. Kua whakaurua anō hoki kā tikaa Māori me te reo Māori.

Kā Taipitopito Whakapā

P: (03) 443 8389
E: info@mchw.co.nz

Montessori Children’s House Wānaka
122 Kings Drive
Wānaka 9305

Kā hāora tuwhera

Mane – Paraire: 8.30 i te ata – 3 i te ahiahi