He hātepe māori te mātauraka e pīkauria nei e te tamaiti, ā, kāore e whāia mā te whakaroko ki kā kupu, engari kē ia mā kā wheako i te taiao.”
Maria Montessori
He taiao ako paruhi
Ko tā Montessori Children’s House Wānaka (MCHW) he whakarite i tētahi taiao ako paruhi mō kā tamariki e maoa ai tō rātou pitomata. Tukua ai e mātou ko Te Whāriki, te marautaka whare kōhukahuka, ko tōna tūāpapa ko kā mātāpono o Montessori i tētahi whare whai-pūtake me ōna kaiako kōhunkahunka whai tohu, i te taha o kā kaimahi tautoko manaaki nui.
Mā te tuku ki kā tamariki te toroka kāwari ki kā taputapu whakarite-pai me kā rauemi, waihoki te wātea ki te kōwhiri i kā mahi e pīraki rā rātou, e whai wheako ai rātou ki te hiamo me te kahau o te tūhurataka ki tā rātou e pai ai. Ka āwhina ō mātou kaiako i a rātou ki te āwhina i a rātou anō, me te akiaki i ō rātou pūmanawa auaha, māori anō hoki. Haere tahi ai kā mahi ā-rōpū, kā wheako ako ā-waho me kā hātepe kua whakaritea, me te aha, ka whakawhanake kā tamariki i te whakaute ki a rātou anō, ki ētahi atu, me te ao tūroa.
Te whakawhanake i te whakaute
Te kaikākau ki te ako
He nui tā mātou whai wāhi atu ki kā pūtoi me kā whānau, ā, ki te hapori whānui. Ko kā kōrero whakahoki nā kā kura tuatahi o te takiwā e whakaū ana i te pai o te whakawhiti a kā tamariki Montessori. Hui katoa, he tamariki ngākau hihiko, e mōhio ana ki te whakamatua, e pai ana kā waiaro ki te ako, e pai ai tā rātou mānawa i te tūāoma ako e whai ake ana.
Whāika mātauraka
Ko te whāika o te mātauraka Montessori ko te āwhina i kā tamariki kia takata manaaki, whakahihiko, ngākau kī anō hoki e mōhio ana ki te whakarite i tētahi anamata toitū, āio anō hoki mō te ira takata. Ko te whakapono o Dr Montessori, mā te tuku i kā tamariki ki tētahi taiao motuhake kua whakaritea kia whakaohooho, ka āwhina tō rātou wairua pākiki i a rātou kia noho ai hei ākoka whakahihiko i a rātou anō. Ko te mātauraka e ‘whakarite ana mō te ao’, tērā i te kimi i kā pūkeka atamai, te whakarite rānei mō te kura.
Te ako mā te tūhura
Ako ai kā tamariki i kā akomanga Montessori e ai ki tā rātou e pai ai, e ai ki tā rātou e kōwhiri ai i roto i kā mahi huhua e taea ana. Ko te ako he hātepe tūhura hiamo, e hua ake ai ko te arotahi, te whakahihiko, te whakamatua, me te ngākau nui ki te ako. Nā ō mātou pakeketaka ako i Montessori e taea ai e kā tamariki te manaaki me te mahi tahi.
Te tōnga ki kā mahi o ia rā
Roko nui ai kā tamariki i te tōka ki kā mahi “tūturu” pēnei i te horoi i te papa me te tapahi huarākau hei tuari i te wā kai. He pai ki kā tamariki aua momo mahi nā te mea he mahi tūturu e mahi rā kā pakeke, e rongo ai te tamaiti i te angitutaka me te tuaritaka.
Te tūāpapa mō te anamata
Ko te whakankunku i kā mahi ‘tūturu’ he whakariteka autaki mō kā pūkeka akoako ka whāia e te tamaiti ā te anamata. Akiakihia ai te arotahi, te mātakitaki, te whakaraupapa, me kā pūkeka nukuiti, nukurahi hoki i ēnei mahi o ia rā.
Te whakarite mō te ako mauroa
I whakapono a Maria Montessori ko te whakariteka tūturu mā kā kaiako o kā tamariki nohinohi ko te rakahau i a koe anō. Katoa kā āhuataka āwhina i te ora o te takata ka tino hirahira, ka wāriu nui.
Kā Taipitopito Whakapā
P: (03) 443 8389
E: info@mchw.co.nz
Montessori Children’s House Wānaka
122 Kings Drive
Wānaka 9305
Kā hāora tuwhera
Mane – Paraire: 8.30 i te ata – 3 i te ahiahi